په کابل کې د ایرنا خبري آژانس د خبریال له قوله، د افغانستان د سرپرست حکومت د عامې روغتیا وزارت چارواکو نن سهشنبه د وږی په ۲۰مه، لوګر ولایت ته د دغه وزارت د سرپرست مولوي نور جلال جلالي د سفر خبر اعلان وکړ.
د عامې روغتیا سرپرست وزیر د دغه سفر په ترڅ کې د لوګر په ولایتي روغتون کې د روغتیايي خدمتونو له وړاندې کولو څخه لیدنه وکړه.
مولوي نورجلال جلالي د دغه روغتون له ټولو روغتيايي څانګو څخه ليدنه وکړه او په روغتون کې يې له ناروغانو سره وکتل.
خبرپاڼه زیاتوي: نوموړي د دغه روغتون روغتیايي کارکوونکو ته د خدمتونو د وړاندې کولو په برخه کې لازمې هدایتونه ورکړل او ډاډ یې ورکړ، چې د معیاري روغتیايي خدمتونو وړاندې کولو او د روغتیايي کارکوونکو د ظرفیت لوړولو ته به جدي پاملرنه وکړي.
د پیغام پای/
Your Comment